VS

18 მარტს ქუთაისის ბალანჩივაძეების სახელობის “Music Hall”-ში თანამედროვე ქართული ლიტერატურის ანთოლოგიის პრეზენტაცია გაიმართა. მუსიკალურ-ლიტერატურული საღამო, როგორც მას ორგანიზატორებმა უწოდეს, სკანდალით დასრულდა.
მწერალი ზაზა ბურჭულაძე ოპერის თეატრის სცენაზე სათამაშო იარაღით ავიდა, 4 წუთიანი სიტყვით გამოვიდა, დარბაზში მხდომთ მასაჟის გაკეთება შესთავაზა, ხოლო როცა მის ინიციატივას არავინ გამოეხმაურა, სცენა დატოვა. თუმცა წასვლამდე თქვა: “ქურდებს სიცოცხლე, ბოზებს სიკვდილი”.

სწორედ ეს ფრაზა გახდა ქუთაისის ინტელიგენციისათვის გამაღიზიანებელი. თხუთმეტამდე ადამიანმა დარბაზი ხმაურით დატოვა და ბურჭულაძის ლანძღვა ოპერის თეატრის წინ გააგრძელა.

იმის გასაგებად თუ რას აპროტესტებენ ადამიანები, რომლებიც თავს ქუთაისის ინტელიგენციას უწოდებენ, გთხოვთ იხილოთ ვიდეო.

თანამედროვე ქართული ლიტერატურის ანთოლოგია ფრანკფურტის უნივერსიტეტში მოღვაწე ქართველი მეცნიერის მანანა თანდაშვილის მიერაა შედგენილი.
ანთოლოგიაში ექვსი ქართველი მწერლის ნაწარმოებია შესული. ლაშა ბუღაძე – „ლიტერატურული ექსპრესი“ (ფრაგმენტი) , ზაზა ბურჭულაძე – „ადიბასი“, დათო ტურაშვილი – „ჯინსების თაობა“ (ფრაგმენტი), აკა მორჩილაძე – „ტერცო მონდო“, ბესო ხვედელიძე – „თაგვის გემო“, ბასა ჯანიკაშვილი – „აბსურდისტანი“ (ფრაგმენტი), ზაზა ბურჭულაძე – „Passive Attack“.

P.S.
ამ კადრების მიხედვით უკვე მომზადდა სიუჟეტი და ის რეგიონალური ტელეკომპანია “მეგა ტვ” ის ეთერით გავიდა.
იმედია საავტორო უფლებები დაცულია:)))
რაც შეეხება ოპერატორულ ნამუშევარს ირაკლი ვაჩიბერაძეს ეკუთვნის. ახალბედაა, მეორედ იყო სულ გადაღებაზე. მგონი დასაწყისისთვის ზედმეტად კარგია:)))